Zarauzko Euskal Jaietako Bola eta Toka Txapelketa jokatu zuten atzo, Zelai Ondo auzoko bolatokian, Gipuzkoa osotik etorritako 51 bolari eta 29 tokalarik. Goizean goiz ekin zioten lehiari eta eguerdira arte luzatu zen, kaltegoria ezberdinetako parte hartzaileen arteko lehia biziaren ondoren.
Giro onean eta hainbat berdinketa hautsi ondoren, Goretti Beloki eta Benito Loitegi izan ziren txapeldun bolan, eta Nekane Etxeberria eta Antonio Amundarain, berriz, tokan. Zelaiondo Bol&Tok Klubak taldeko bolariek eta tokalariek txapelketan emandako maila ona azpimarratu du, lortutako emaitzak kontuan hartuta.
Izan ere, Goretti Belokiren garaipenaz gain, Sergio Aristik bolan gizonezkoetan lortutako bigarren postua goratu du elkarteak. Baita Enrique Egañak eta Roberto Ostolazak tokan einiko hirugarren eta laugarren postua ere.
BOLAKO SAILKAPENAKEmakumezkoetan:
1. Goretti Beloki
2. Olatz Larrañaga.
Gizonezkoetan:
1. Benito Loitegi
2. Sergio Aristi
3. Crisanto Cortes
4. Josu Lasa
Herriko lehen sailkatua:
1. Joxean Tolosa
Lehen ez-federatua:
1. Unai Esnal
TOKAKO SAILKAPENAKEmakumezkoetan:
1. Nekane Etxeberria
2. Olatz Larrañaga
Gizonezkoetan:
1. Antonio Amundarain
2. Jose Antonio Calvo
3. Enrique Egaña
4. Roberto Ostolaza
Bertako lehen sailkatua:
1. Antonio Lertxundi
Lehen ez-federatua:
1. Crisanto Cortes