US Open Adaptive Championship txapelketa irabazita, munduko txapeldun izan da asteburu honetan Aitor Frantzesena Gallo. Honakoa gorengo titulua lortzen duen seigarren aldia du surflari zarauztarrak; zirkuituko onena izan da, aurrez Australian garaituz eta Hawaiin bigarren postuan sailkatuz.
Asteburu honetan Kaliforniako (AEB) Oceanside kaian jokatu den AEBetako Irekiko itsuen visual impairment kategorian lehiatu da, eta Frantzesenak modalitateko espezialistarik iaioena dela erakutsi du beste behin. Kirk Watson australiarrak eta Thomas Da Silva frantziarra izan zituen lehiakide finalean, eta aipatu bi surflariak aurretik izan zituen une osoan. Saioa amaitzeko minutu gutxiren faltan zarauztarra hirugarrena zen, olatu puntuagarri bakarrarekin, baina azken ahalegin batek txapelketa eta munduko titulua eman zion