Euskaraz Bizi egunaren barruan, Euskararen Aldeko 39. Lasterketa jokatu dute gaur goizean, AEK euskaltegiak antolatuta. Guztira, 210 lagunek hartu dute parte euskara aldarri duen korrikaldi herrikoian. Askok eta askok lagunartean, familia giroan eta haurrekin batera irten dira lasterka, baina izan dira lehia serio demonio hartu dutenak eta txapelaren bila joan direnak.
Gizonezkoetan, Beñat Eizagirre izan da garaile, eta emakumezkoetan, berriz, Elena Beristain. Podiuma ondorengoek osatu dute: bigarren postuan, Asier Aranburuk eta Aizpea Lertxundik; eta hirugarren postuan, Iñigo Mozok eta Jordan Byersek. Aipatutakoek oroigarriak jaso dituzte, baina gainerako parte hartzaileak ez dira esku hutsik geratu. Lasterketako elastikoa jaso dute opari, eta amaieran, ohi bezala, indarberritzeko jatekoa eta edatekoa izan dute.