Aurten, lehen aldiz, txapelketaren ordez, trikiti jaialdia antolatu dute Euskal Astearen baitan, eta aldaketa onerako izan dela dirudi. Parte hartzea beherantz zihoan urtetik urtera eta udalak lehia kutsua kendu dio egitasmori, kutsu ludikoa emanez. Bada, jendetza bildu zen atzo arratsaldean Lege Zaharren Enparantzan, Zarautztrik trikiti eskolako ikasleek eskainitako emanaldiaz gozatzeko.
Adin ezberdinetako 25 lagun igo ziren plazako agertokira, binaka zein hiruko taldetxotan, eta pieza ezagunak jo nahiz abestu zituzten. Trikiti eskolako kideei plaza emate hitzordu ederra izateaz gain, herria girotzeko arratsalde atsegina izan zen zalantzarik gabe.