Kontxako bandera gainean da. Datozen bi igandetan Donostian lehiatzeko sailkatze estropadak jokatuko dituzte gaur eta bihar: gaur emakumezkoen txanda izango da eta gizonena bihar. Bi arraunketa saioak ere 18:00etan hasiko dira.
Gaur eguerdian egin dute Donostiako udaletxean gaurko saiorako irteera postuen zozketa. Haren arabera, Zarauzko Enbata hamazazpigarren postuan aterako da. Bere aurretik arituko dira Zumaia eta Orio: Zumaia hamalaugarren postuan eta hamaseigarrenean Orio.
21 traineru arituko dira zazpi posturen bila, Arraun Lagunak ontzia, donostiarra izanik, dagoeneko sailkatuta dagoelako.
