Euskal jatorriko amerikarrek bost urtero antolatzen duten Jaialdia egiten ari dira egunotan Boisen (AEB), eta ohikoa den moduan euskal komunitate zabala elkartu da Ameriketako Estatu Batuetako Idaho estatuko hiriburuan, euskal sustraiei omenaldia egiteko zein Euskal Herritik herrialde horretara joandako belaunaldiak gogoratzeko asmoz. Tartean izango dira Euskal Herriko ordezkariak, eta horien artean dira kultur eta kirol arloko eskualdeko hainbat lagun.
Horien artean dira, esaterako, Mikel Lopetegi Urra, Imanol Royo Lartain eta Paulo Azpiazu harri jasotzaileak. Zarauzko hirukotea erakustaldia eskaintzekoak dira gaur beste hainbat herri kirolarirekin batera; besteak beste, Julen Alberdi Txikia IV.a aizkolari aizkotiarra eta Mikel Larrañaga aizkolari azpeitiarra.