Ekainaren hasieran abiatu zituen Gipuzkoako Foru Aldundiak Zarauzko saihesbidea eraikitzeko obrak. Harrezkero, garabiak eta hodeagailuak lanean dabiltza eremu osoan zehar. Datozen astetan, baina, Frantsesbidea eta Buztinzuri arteko herri bidea itxi egingo dutela jakinarazi du aldundiak, zubiko bidegurutzetik hasi eta aipatu baserriraino, obrak behar bezala egin ahal izateko.
Zati horretan egin beharreko jarduketek hilabete bateko iraupean izango dute gutxi gorabehera. Hori horrela, Aitze auzoko bizilagunek edo herritarrek ibilbide alternatiboa hartu beharko dute denbora tarte horretan, KSB Itur enpresaren ondoko bidea erabiliz. Oraingoz, irekita jarraitzen du.