Zarautz Palestina herri ekimenak Gazari babesa adierazteko manifestazioa deitu du biharko, eta herritar guztiei dei egin die bertan parte har dezaten. 12:00etan elkartuko dira Munoan, eta malekoia zeharkatuko dute ondoren.
Gaza gogoan Zarautz doluan lelopean egingo dute martxa, eta bitarte horretan Israel Gazan egiten ari den sarraskia salatuko dute, herriari babesa erakustearekin batera. "Gure esku dago palestinarrei, ahal dugun apurrarekin ere, gure elkartasuna erakustea", egin du azpimarra herri ekimenak.