Harri Txikien Gipuzkoako Txapelketan zortzi harri jasotzaile ariko dira nor baino nor lehian ostiral honetan Aiako Santio Erreka auzoan. Izan ere, Santio jaien barruan antolatu dute ekitaldia, eta Santio Egunez jokatuko dute, 12:30ean hasita.
Zortzi kirolarien artean zarauztarrak ere izango dira, Maddi Gesalaga, Lierni Osa eta Ainitze Zumeta izango baitira txapelketan. Honakoak dira gainerako sei kirolariak: Goizeder Abendibar, Olaia Esnaola, Malen Morandeira, eta Elene eta Udane Ostolaza ahizpak.
Egun horretako festetako egitarauan askotariko ekintzak izango dira auzoan:
- 10:30. Meza.
- Ondoren, zaharren hamaiketakoa.
- 12:30. Herriko kirolak: emakumezkoen Harri Txiki txapelketa.
- 16:30-19:30. Puzgarriak frontoian.
- 19:00. Hamarru elektrotxaranga geltokitik hasita.
- 23:00. Bide Batez taldearekin erromeria.