Duela bi aste inguru inauguratu zuen Helena Elbusto donostiarrak Posturak: Nimphaea Lotus proposamen artistikoa Torre Luzeako aretoan. Azken bi urteetan zehar egindako ikerketa lanaren laburpena eraman du artistak aretora, eta forma ezberdinak hartzeko gaitasunari esker, eskultura bat nola transmutatu daitekeen erakusten du. Horretarako, papera, alanbrea eta erretxin batzuk uztartzen ditu, artelan moldagarri eta malguak lortzeko.
Bada bihar, 18:00etatik aurrera, bisita gidatua eskainiko du sortzaileak berak, nahi duen orok proposamenen atzean dauden azalpenak ezagutu ditzaten. Bertara joan ezin dutenek erakusketa ikusteko aukera izango dute irailaren 14ra bitartean, egunero, 18:00etatik 20:00etara.