Sestaoko Udalaren Bandera larunbatean eta Zumaiako VIII. Ikurriña igandean irabazita, asteburu bikaina izan da beste behin Zarautz Gesalaga-Okelaneko emakumeentzat. Atzo iluntzean jaso zuten merezitako harrera Lege Zaharren enparantzan herritarren eta jarraitzaileen partetik.
Atzoko ekitaldia, ordea, berezia izan omen zen. Izan ere, Esteban Collantes Zarautz Kirol Elkarteko lehendakariaren heriotzaren harira, harrera “lasaiago bat” egin nahi izan zuten, eta asteburuan eskuratutako banderak udaletxeko balkoian eskegi dituzte, xingola beltzekin, "herriko kirolaren alde egindako lan guztia" omentzeko.
