Bihar hasiko dira Iruñean sanferminak, baita entzierroak ere. Festa nagusituko da hiriburu horretan, baina ez da izango sanferminak ospatuko dituzten leku bakarra. Izan ere, urtero bezala, Zarautzen ere izango dute etxeko txikienek zapi gorria jantzi eta zezenen aurrean korrika ibiltzeko aukera.
Udako egitarauaren barruan, bihar egingo dute entzierroa zezen puzgarriekin. Lege Zaharren Enparantzatik hasiko da hitzordua, 12:00etan hasita.