Azken hilabeteetako lanak bere fruituak eman ditu Eva Manzanas eta Nahia Arregi Judo Klub Lizardiko kideentzat. Izan ere, gerriko beltza eskuratu zuten pasa den larunbatean Donostiako Borroka Arteen Aretoan, Euskadiko Judo Federazioak prestatutako gradu azterketetan.
Proba gogor bati aurre egin behar izan zioten biek ala biek, eta bikain bete zituzten federazioak eskatutakoak. Sari banaketa ekitaldia heltzean, hunkituta jaso zituzten Manzanasek eta Arregik hain esperotako gerriko beltzak, klubeko zein familiako kideen babesarekin.