Ur Bare ZKE futbol taldeak atzo lortu zuen hirugarren mailara igotzea, Getxoren aurka penaltietan irabazi ondoren. Egindako balentria aitortzeko, Zarauzko Udalak harrera egingo dio taldeari gaur arratsaldean, 19:00etan, Lege Zaharren Enparantzan.
Ur Bare taldeak eta Zarautz Kirol Elkarteko futbol atalak adierazi du ekitaldia probrestu nahi duela azken urteotan eta bereziki azken hilabeteetan jaso duten "babes eta maitasun guztia" herriari itzultzeko. Hori horrela, bertaratzeko deia egin diete zale zein herritar guztiei, lorpena elkarrekin ospatzeko.