Atzo arratsaldean eman zioten amaiera eskolarteko aurtengo xake denboraldiari, Musika Plazan egin txapelketa-erakustaldi batekin. Guztira, 5 eta 8 urte bitarteko 25 haurrek hartu zuten parte, lagunarte giroan.
Aipatu gaztetxoak ZKE Xake ataleko kideekin trebatzen dira ostiralero klubean, eta bertaratu ziren gurasoek zein herritarren nabaritu zuten jokalari bakoitzak egin duen hobekuntza, kirol mailan ez ezik, arlo pertsonalean.
"Ikasturtean zehar, aurkariarekiko errespetua, ideia berriak pentsatu eta ekiteko plan mota ezberdinak eta erabakiak zentzuz hartzea landu dituzte, beste hainbat ikasgaien artean", nabarmendu dute ZKE Xake arloko kideek.