Zarauzko Triatloia jokatuko dute bihar arratsaldean 750 kirolarik, eta dena behar bezala irten dadin, hainbat errepide itxiko dituztela jakinarazi du udalak. Ondorengo kaleetan eta ordutegietan izango du eragina probak
- Nafarroa kalean (N-634), San Frantziskotik Elizaurrera, ekialderanzko norabidean, 14:00etatik 18:30era.
- Meagako igoeran (GI-2633), Bizkaia kaletik zein Nafarroa kaletik, 14:00etatik 18:30era.
- Seitximeneta kalean, 16:30etik 22:00etara.
- Gipuzkoa kalean, eta Seitximeneta eta San Frantzisko kaleen artean, 16:30etik 22:00etara.
- Zigordia kalean, 16:30etik 22:00etara.
Errepide mozketek, era berean, Zarauzko Hiribusaren eta Lurraldebuseko hainbat lineatan aldaketak eragingo ditu. Aldaketen berri autobus zerbitzu bakoitzaren webguneetan zehaztuko dute.