Nahia Zarauzko Artisten Elkarteak antolatuta, Ekaineko II. Azokara gerturatu ahal izango dira herritarrak gaurko egunean zehar. Malekoian jarri dituzte postuak, Galtxagorri elkartearen parean, eta arratsaldeko 20:30era arte iraungo du.
Orotara, hogei artisau eta sortzailek jarri dute mahaia, sormena eta tradizioa uztartzen dituzten produktuekin: hala nola zapiak, belarritakoak, poltsak eta panpinak erosi ahal izango dituzte gerturatzen direnek. Bestalde, azokan egiten diren erosketen artean Kirkila jatetxean jatordu bat zozkatuko dute.