Martxoan abiatu zuen Arronopolak Bermut Musikatua izeneko zikloa, eta hiru hilabete eta gero, azken saioa eskainiko dute igandean, Arranoko bunkerrean. Azken gonbidatua, gainera, ez da izango nolanahikoa, etxeko Saman Goien artista igoko baita oholtzara, "bere doinurik berrienak eskatzen". Ohi bezala, 12:30ean hasiko da emanaldia.
Etxeko artistaz gain, Aiert Alberdi, Xabier Badiola eta Esanezin taldeak igo dira Bermut Musikatua zikloko oholtzara.