Herri bideak mantentzeko eta hobetzeko helburuarekin, aste honetan hasi dira Irusta bidean konponketa lanak egiten. Harri-lubaki bat ezarriko dute errepidea zabaltzeko, eta aurreikuspenen arabera, bi astez iraungo dute obrek. Lan horien exekuzioa Excavaciones Lasa SL enpresari esleitu dio Zarauzko Udalak, 48.399,99 euroko (BEZ barne) aurrekontuarekin.
Banaka-banaka Zarauzko herri bide guztien mantenua eta hobekuntza egiten joatea dela udalaren helburua, adierazi du Iban San Martin Obra eta Zerbitzuen zinegotziak: "Horietatik igarotzen diren bizilagunentzat ahalik eta erosoenak izan daitezen”. Auzo ezberdinetako bizilagunekin harremanetan jarri da udala, aipatu esku hartzeen beharra komunikatzeko eta koordinazioa egiteko.