Zarauzko Merkatua Bizirik taldeak antolatuta, lore kulturari buruzko hitzaldia izango da bihar. Hain zuzen ere, Idoia Lizeaga lore arteko irakasleak eskainiko du saioa, Zarauzko merkatuan, 17:30ean hasi eta 19:30 bitarte.
Antolatzaileek azaldu dutenez, hitzaldi "praktikoa" izango da biharkoa, eta bertan, loregintzan gehien erabiltzen diren loreen inguruan zein horiek eraldatzeko tekniken inguruan mintzatuko da Lizeaga: sagarrondo lorea, arrosa, lore berdeak, orkidea...