Gaur arratsaldean egingo dute, hilero bezala, osoko bilkura pleno aretoan. 19:00etan hasiko da hori, eta hainbat gai landuko dituzte bertan; horietatik garrantzitsuenetakoa izango da 2025-2034 epeko Euskararen Plan Estrategikoa onartzea.
Aipatutakoaz gain, baina, PSE-EEk eta EAJk Gazako egoeraren aurrean aurkeztutako mozioa izango da gai zerrendako beste puntu bat, eta bestalde, 2025-2026 epealdiko plan ekonomiko finantzarioa ere onartuko dute. Aldi berean, hainbat kreditu aldaketa ere izango dituzte hizpide.