Urtero, abuztuko Aste Nagusian kontzertu potenteak antolatzen ditu Zarauzko Udalak. Horrela izango da aurten ere, eta dagoeneko Xabier Txurruka alkateak iragarri du egun horietan malekoian kontzertua eskainiko duen lehen artista gonbidatua: Soraya, hain zuzen ere.
Abuztuaren 15ean izango da bere emanaldia, hain justu ere, Ama Birjina egunean. Ohikoa denez, su artifizialez gozatzeko aukera izango dute herritarrek eta egun horietan Zarautzera gerturatzen direnek, eta ondoren gozatu ahal izango da Extremadurako artistaren zuzenekoa. Zehazki, artistaren 20. urtemugako birako kontzertua izango da.