Biodibertsitatearen Nazioarteko Eguna da, eta ingurumena garbi mantentzeaz kontzientziatzeko helburuarekin, Ekinaren Eguna ospatu dute malekoian, jolas parkearen aldamenean, 11:00etatik 13:00era.
Aztertu programak antolatu du egitasmoa. 11:00etan harrera ekitaldia hasi da, eta hamar minutura, Hondakinak gure hondartzetan izeneko hitzaldi parte hartzailea egin dute.
Ondoren, 11:30ean, ingurumen gymkanarekin abiatu dira, 4 eta 12 urte artekoentzako. Guztira, 60 pertsona inguru bertaratu dira frogak, asmakizunak eta erronkak betetzera. Bukaeran, 13:00etan, parte hartzaileek batutako hondakinak zenbatu eta kudeatu dituzte.