Zarautz Abesbatzako haurren bi taldeek, Txinpirinek eta Zaraztek, kontzertua eskaini dute Iñurritzako zelaian. Ikasturte amaierako emanaldia izan da. Hori dela eta, familikide eta herritarrak bertaratu dira urte osoko lanaz gozatzera.
12:30ean hasi da emanaldia. Zuhaitzen artean eta Xabier Egañaren margolanen aurrean abestu dute gaztetxoek. Bertan, euskal kantu eta beste hainbat lurraldeetako abestiak izan dira protagonista.