Mongoliar jatorria duen artista irundarra da Oyuna –Oyuntsetseg Tsogzol berezko izenez–, eta Ipar kaleko Lukas ardotegian paratu ditu bere margolanak. Obra koloretsuak dira eta izaera, intentsitate zein adierazkortasun handikoak.
Guztira, 22 lan jarri ditu erakusgai, non pintura akrilikoa, ikatz margoak eta kolore pastelak erabili dituen. Horietan erretratuak dira nagusi, era askotariko erretratuak, baita animalienak ere. Erakusketa ekainaren 9a bitartean bisitatu ahal izango da.