Zarautz Abesbatzako haurren bi taldeek, Txinpirinek eta Zaraztek, kontzertua eskainiko dute bihar Iñurritzako zelaian. Ikasturte amaierako emanaldia izango da biharkoa, eta horregatik, familikide eta herritarrak gonbidatu nahi dituzte urte osoko lanaz gozatzera.
12:30ean hasiko da emanaldia, eta azaldu dutenez, zuhaitzen artean eta Xabier Egañaren margolanen aurrean abestuko dute gaztetxoek. "Herriko hainbat txokotan abestu izan dute abeslari gazteenek, baina aurten, Iñurritzako jubilatuen elkartearen laguntzaz, auzo horretan eskainiko dute kontzertua", gehitu dute. Bertan, euskal kantu eta beste hainbat lurraldeetako abestiak izango dira protagonista.