Pagoeta Mendizale Elkarteak eta Mendi Film jaialdiak antolatuta, Mendi Tour emanaldi ibiltariari Modelo aretora iritsiko da aurten ere. Bi saio eskainiko dituzte, 19:00etatik aurrera, eta lehena gaur izango da; bigarrena, berriz, datorren astean, maiatzaren 29an.
Emanaldi bakoitzean iraunpen laburreko edo ertaineko hainbat film emango dituzte. Edonola ere, guzti-guztiak Bilboko Mendi Film mendiko zinemaren jaialdiko azken edizioan nabarmendutako ikus-entzunezkoak izango dira.
Hala, gaur arratsaldean ondorengo lanez gozatzeko aukera izango dute Modelora bertaratzen direnek: Janire Etxaberen Haize lerroak (2024ko Mendi Filmeko sail ofizialean lehiatutakoa), Jim Aikmanen Red Rock Revolution (2024ko Mendi Filmeko sail ofizialean lehiatutakoa), Davina Montaz-Rosseten Always Alive (2024koMendi Filmeko sail ofizialean lehiatutakoa) eta Maxime Moulinen Andrea, an Unpaved Route (2024ko Mendi Filmeko kirol eta abentura film onena).
Sarrerak 5 euro balio du saio bakoitzeko, eta Modeloko txarteldegian eskuratu daiteke edo Mendi Tour-eko webgunearean bidez.