Beste urte batez, prebentziorako eta lehen sorospenerako teknikak ikasteko aukera izan dute gaur herritarrek malekoian. Izan ere, Zingira Zarautz Babes Zibilak antolatuta eta Zarauzko Udalaren laguntzarekin, Guztion eskuetan lelopean kanpaina egin dute bertan. Hala, goizean zehar herritarrei larrialdi edo estutasun egoera baten aurrean nola jokatu erakutsi diete.
Aurreko aldietan bezala, aurten ere larrialdietako sektoreko hainbat elkartek eta erakundek parte hartu dute ekimenean: hala nola Dyak, Osakidetzak, SOS Deiakek, Ertzaintzak, Suhiltzaileek eta Udaltzaingoak.