Etxegiro proiektuaren barruan, Mahl Kobat musikariak kontzertua emango du bihar Hiruputzu gaztetxean. 19:00etan hasiko da, eta zuzenekoaz gozatu nahi dutenek atarian erosi ahal izango dituzte sarrerak, lau euroan.
Lau urteko lanaren ostean, iaz ezagutarazi zuen Beñat Bidegain ondarroarrak bere lehenengo bakarkako lana, Mahl Kobat izenarekin. Abenduan kaleratu zuen lehen bilduma: Zelan apurtu pertsona bat, hain justu ere. Abeslaria, eta gitarra eta baxu jotzailea da Bidegain, baita Dena musika taldeko kidea ere.
Etxegiro proiektuko bigarren kontzertua izango da biharkoa; izan ere, Saguxar taldeak eskaini zuen lehen emanaldia, apirilaren 3an.