Bi kontzertuz gozatzeko aukera egongo da gaur iluntzean Hiruputzu gaztetxean, Lege Berria kolektiboak antolatuta. Hain justu ere, Error de Paralaje eta Bellum taldeak igoko dira oholtzara, 21:00etatik aurrera. Sarrerak gaztetxeko atean bertan egongo dira salgai, 6 euroan.
Punk doinuak oinarri dituen Granadako taldea da Error de Paralaje, 2019an sortua. Bellum, aldiz, Getariako lagunez osatutako hirukotea da, eta post punk musika lantzen dute beren abestietan.