Korrikalariek hitzordua dute etzi Zarautzen, VII. Herri Lasterketa jokatuko baitute, A 3 el Km! taldeak eta Zarautz Kirol Elkarteak elkarlanean antolatuta. 11:00etan hasiko da proba, eta Lege Zaharren enparantzan izango ditu irteera zein helmuga. Lasterketan parte hartu nahi dutenek bihar, 12:00etara arte, izango dute inskripzioa egiteko aukera.
Hori hala, izen ematea Kirolprobak.com atari digitalaren bidez egin daiteke. Herri osoari itzulia emango diote parte hartzen duten lasterkariek, 8 kilometroko ibilbidea osatuz.