Gazte Ekintzaileen Azokak hartuko du larunbat honetan Santa Klara komentua. 18:00etatik hasita, askotariko produktuak eskuratu ahal izango dira bertako postuetan; hala nola bitxigintzako postuak, modari lotutakoak edota puntuz egindako produktuenak aurkitu ahal izango dituzte bertara gerturatzen direnek.
Hori gutxi ez balitz, zuzeneko irratsaio bat ikusteko aukera ere egongo da, eta desfilea ere egingo dute, 20:00etan hasita. 21:00 aldera, berriz, musikak girotuko du komentua. Azokari buruzko informazio gehiago eskuratzeko honako lotura honetara jo daiteke.