Martxoaren 29rako zuen aurreikusita Salbatore Mitxelena ikastolak Hartxintxar lasterketa, baina atzeratu egin behar izan zuen. Erabakia herritarrekin partekatzean jakinarazi zuen ikastolak data berria; hain justu ere, bihar, larunbata, egingo dute ikastolaren aldeko korrika saioa.
Gainera, lasterketaren bueltan, egun osorako egitaraua prestatu du ikastolak, haurrentzako distantziekin, jan-edanerako postuekin, jolasen txokoarekin eta musikarekin.
Egitaraua:
- 16:30-18:00. Haurren txokoa, ikastolako estalpean.
- 18:00-19:00. Haurren lasterketak.
- 18:00-19:00. Lasterketa nagusirako dortsal banaketa eta kontsigna.
- 19:30. Hartxintxar lasterketa.
- 20:30. Lasterketako sari banaketa.
- Ondoren, Hartxintxar zozketa.
- Jarraian, musika zuzenean.