Zarauzko Udaleko Berdintasun departamentuak antolatuta, Promesa berdina egiten diegu lagun guztiei antzezlana ikusi ahal izango da gaur Modelo aretoan, 19:00etan. Maite Aizpurua zumaiarraren eta Intza Alkain lasartearraren lana da, eta ikustera joan nahi dutenek sarrerak Kutxabank atari digitalean eskura ditzakete, baita leihatilan bertan ere.
Donostian egiten den Poltsiko Antzerkia jaialdiko Sorkuntza saria jaso zuten 2023ko udazkenean Aizpuruak eta Alkainek, eta horren harira ondu zuten laguntasunaren inguruko proiektua.