Hiruputzuren bigarren urteurrena ospatzeko festa egin zuten atzo, herrigunean hasi eta gaztetxean bertan borobilduz. Karibe kutsua eman zioten ospakizunak, eta oinarri hori izan zuten antolatu zituzten jarduera gehienek. Arratsaldean, festa abiarazteko, Frontoi Txikin elkartu ziren, eta gaztetxeko saltsa dantza taldeak erakustaldi ederra eskain zuten. Bien bitartean, mojitoak prestatu zituzten momentuan, eta bertaratu zirenek edari freskagarria dastatzeko aukera izan zuten.
Hasiera batean, Elektrotxandaka egin asmo zuten, kalez kale, gaztetxera joateko, baina parte hartze txikia izan zuenez, bertan behera uztea erabaki zuten. Horren ordez, bozgorailu mugikorrarekin ibili ziren. Gauean, Mi Buenaventura taldeak cumbia doinuak eta erritmoak eraman zituen Hiruputzura, eta, jarraian, DJ Bon arduratu zen urteurrena borobiltzen.