Judo Klub Lizardiko Lore Austingek, lanak bikain burututa, brontzea lortu du Espainiako Junior Txapelketan. Pasa den larunbatean izan zen judo txapelketa, Iruñeko Nafarroa Arenan, eta 78 kilo azpiko kategorian lehiatu zen zarauztarra.
Austingez gainera, Naiara Villasante Judo Klub Lizardiko judokak ere neurtu zituen indarrak txapelketa horretan, 70 kilo azpiko kategorian. Finalerdietan galdu zuen berak, Valentziako kirolariaren aurka. Ondoren, hirugarren postua eskuratzeko Madrilgo judokaren aurka jokatu zuen konbatea, baina azken hori ere galdu egin zuen, bosgarren postua eskuratuz.