Udaberriari ongietorria emateko kontzertua eskainiko du bihar Zarauzko Musika Bandak, Iosu Isasti zuzendariaren gidaritzapean. 12:30ean izango da Udaberriko Kontzertua, Merkatu plazako lehen solairuan, eta bertaratzen direnek bandak prestatutako sei pieza entzuteko aukera izango dute.
Zehazki, ondorengo abestiak joko dituzte biharko emanaldian: Kota Okadaren March 'Byond the Sing', Eduardo Mocoroa konpositoreak egindako eta J. Francok moldatutako Ordizia, Nick La Roccaren Tiger Rag, Phillips Sparkerren Byond the Sing, Toshio Mashimaren Paris Montmartre, eta, amaitzeko, Rhapsody in Blue, George Gershwinek konposatua. Kontzertuak 50 minutu inguruko iraupena izango du.