Photomuseumek sustatutako eta Zarauzko Udalak babestutako kultur hedapenerako Gela programaren barruan, Alice Guy-Blanche zinemagilea izango dute protagonista gaur arratsaldeko saioan. Ohikoa den moduan, saioa 18:00etan hasiko da, doako sarrerarekin.
Guy-Blanche (1873-1968) historiako lehen emakume zinemagilea izan zen, Gaumont Frantziako zinema ekoiztetxe idazkari modura hasi zen, eta 1896an bere lehenbiziko filma zuzendu zuen. Bere filmei ikuspegi femeninoa ematen jakin zuen, gerora fikzio zinematografikotzat hartu izan denaren oinarrietan lagungarria izan zena.