Mozart, Gluck, Saint-Saëns, Massenet, Bizet, Mendelssohn, Donizetti eta Rossiniren operetako arien aukeraketa entzuteko aukera izango da apirilaren 8an Donostiako Kursaal jauregian. Le Cercle de l'Harmonie orkestrak egun horretan eskainiko duen kontzertuari Amor furor izena jarri diote, eta Jérémie Rhorer-ek zuzendutako formazioa bere zerbitzura izango du Gaëlle Arquez mezzosoprano handiak, XVIII eta XIX mendeetako konpositore ezagunenen, Mozarten, Rossiniren, Bizeten eta beste hainbaten aria xarmagarrienak interpretatzeko.
Urtean zehar beste une batzuetan egin bezala, Kursaal Eszenak doako autobusa jarriko du Zarauzko musikazaleak Donostiara eraman eta, emanaldiaren amaieran, etxera bueltatzeko. Busa 18:30ean aterako da Sanz Eneako geralekutik. Kontzertua 19:30ean hasiko da.
Busera igotzeko ezinbestekoa izango da aurrez izena ematea, 943-00 51 20 telefonora deituta edo kultura@zarautz.eus helbidera idatzita. Izena emateko azken eguna apirilaren 3a izango da.
Emanaldirako sarrerak norberak erosi beharko ditu. Hemen daude salgai.