Asteburu konpletoa izan dute Zarautz Arraun Elkarteko neska-mutilek. Alde batetik, ZAEko Enbataren bi traineruek Hondarribiko XXV. Traineru Jaitsiera jokatu zuten larunbat arratsaldean. Bestetik, atzo, Gipuzkoako batel ligako zortzigarren jardunaldia izan zuten jokoan harrobiko batelek, Getarian.
Hondarribiko XXV. Traineru Jaitsieran, orotara, 36 ontzik parte hartu zuten, beterano, emakume eta gizonen kategorietan banatuta. ZAEko neskek zazpigarren amaitu zuten; mutilek, berriz, zortzigarren. Erlojupeko estropada izango zen larunbateko proba.
Harrobiari dagokionez, emaitzarik onenak, beste behin, ZAEko infantil mutilenak izan ziren, lehen bi postuak eskuratu baitzituzten beraien kategoriako estropadan. Infantil neskak eta absolutu mutilek ere pozik egoteko emaitzak eskuratu zituzten; izan ere, bigarren egin zuten biek beraien estropadetan. Promesen ontzi mistoak eta jubenil neskek zortzigarren eta zazpigarren postuekin konfornatu behar izan zuten, hurrenez hurren.
(Argazkiak: Iker Larrañaga eta Jose A. Rodriguez)
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!