Motxian-Etxebeltz Bertsoguneak bertso jaialdia antolatu du apirilaren 11rako, eta dagoeneko eskuragarri daude saioa ikustera joateko sarrerak. Jaialdia 19:00etan hasiko da, Modelo aretoan.
Hala, Alaia Martin, Sarai Robles, Maialen Lujanbio, Oihana Bartra, Julebe Iturbe eta Manu Goionaga bertsolariek parte hartuko dute saioan, eta gai jartzaile lanak Onintza Gartziak egingo ditu.
Bertso jaialdia bertatik bertara jarraitu nahi dutenek sarrerak honako lotura honetan eskuratu ahal izango dituzte. Horrez gainera, Modeloko leihatila irekita dagoenean bertan ere erosi ahal izango dira.