Antibiotikoekiko erresistentzia izango du hizpide Lide Aranak datorren asteartean, Modelo aretoan emango duen hitzaldian. Biokimikan doktorea eta EHUko irakaslea da Arana, eta ZarautzOn elkarteak gonbidatuta emango du Antibiotikoekiko erresistentzia: eboluzioa gure aurka datorrenean hitzaldia. 19:30ean hasiko da saioa, eta sarrera doakoa izango da.
"Antibiotikoen aurkikuntzak medikuntza irauli zuen milioika bizitza salbatuz, eta gaur egun arruntak diren hainbat tratamendu pentsaezinak dira antibiotikoen laguntzarik gabe. Hala ere, gehiegizko erabilerak eta erabilera desegokiak krisi larri bat eragin du: antibiotikoen aurkako erresistentzia", azaldu dute antolatzaileek ohar bidez. "Bakterioek, oso organismo moldagarriak izanik, eboluzionatu" egiten dutela, eta infekinfekzioen aurkako farmako eraginkorrak izatea gero eta zailagoa bihurtzen ari dela ere adierazi dute. Izan ere, hitzaldian, bakterioek nola eta zegatik garatzen duten erresistentzia aztertuko ditu Aranak, eta baita inpaktu globalari aurre egiteko dauden bideak planteatu ere. «Krisi hori bultzatzen duten faktoreak aztertuko ditugu eta konponbide berritzaileei helduko diegu, estrategia terapeutiko berrietatik hasi eta kontzientziazio eta erregulazioaren garrantziraino», gaineratu dute antolatzaileek.