Zenbait asteren ondoren, prest dago Barren plazako lorategi berria. Urtarrilaz geroztik obretan egon da plaza, eta, egunotan, Zarauzko Udaleko lorezaintza zerbitzuak azken ukituak eman dizkio berdeguneari, hainbat espezieetako landareak jarriz.
Corten altzairuz inguratuta dago lorategi berria, eta, bertan, espezie ezberdinetako landare apaingarriak aurki daitezke. Udalaren esanetan, "baldintza guztietara egokitzen diren eta ur askorik behar ez duten" landareak aukeratu dituzte; hala nola Palmondo nanoak (Chamaerops humilis), Zikak (Cycas revoluta), Zeelanda Berriko Linoak (Phornium), Muhlenbergia capillarisak eta Carex testaceak.