Martxoaren 8aren atariko, Bideak urratzen gaitu bertso saio musikatua antolatu du Zarauzko Udaleko Berdintasun departamentuak. Bihar izango da, 19:00etan, Modelo aretoan.
Bertan, Uxue Alkortak, Aner Peritzek, Maider Arregik eta Miren Artetxek egingo dute bertsotan, eta Nora Eizagirre eta Libe Goenaga, berriz, musikariak izango dira. Saioa zuzentzeaz arduratuko da Ainhoa Agirreazaldegi, eta, ,gonbidatu modura, Zarauzko Hasiberrien Bertso Eskola Feministak parte hartuko du.
Sarrera doakoa izango da, eta gonbidapenak Modelo aretoko leihatilan eskuratu ahal izango dira, ekitaldia hasi baino 45 minutu lehenago, 18:15etik aurrera.