Bazkideei zuzenduta, urteko batzar orokorra egingo du Zarauzko Surf Elkarteak ostegun honetan, elkarteko egoitzan; lehenengo deialdia 18:30ean egingo dute, eta bestea, berriz, 19:00etan.
Antolatzaileek azaldu dutenez, bilkuran 2024ko balantzea eta balorazioa, 2025eko aurrekontuak eta ideiak, eta elkartearen urteko berriak izango dituzte mintzagai ostegunean. "Bazkideen parte hartzea eskertuko dugu, eta horregatik, etortzera gonbidatu nahi ditugu", azaldu du.