Zarata Zarautz kolektiboak kontzertu emanaldi berri bat antolatu du datorren larunbaterako, martxoaren 1erako, Hiruputzu gaztetxean. Emanaldia 19:30ean hasiko da, eta, guztira, hiru musika talde ariko dira zuzenean; Raiser, Usura eta Venganza. Kontzertuen ondoren, binilo ziztada izango da.
Logroñoko (Errioxa, Espainia) hardcore-punk talde mitikoa da Raiser, eta hainbat urtez agertokietatik kanpo egon ondoren, berriz itzuli dira zuzenekoetara. Mallorcako Usura taldeak, bere aldetik, DIY uztako zarata azkarra eskainiko du, eta Zaragozako Vengazak iazko irailean kaleratutako Damnatio Memoriae hardcore lan berria aurkeztuko du.