Demokrazien krisien eta giza eskubideen inguruko hitzaldia eskaini zuen Fernando Valladaresek atzo Modelo aretoan. Antolatzaileek "positiboki" baloratu dute hitzordua, eta azaldu dutenez, ikusleek "adi" jarraitu zieten Valladaresek gai horri buruz 90 minutu inguruan emandako azalpenei.
Biologian doktorea eta ekologo espezialista da Valladares, baita CSICeko ikertzailea Espainiako Natur Zientzien Museoan. Madrilgo Rey Juan Carlos Unibertsitatean irakaslea ere bada, eta ikerketa ugari egin ditu biodibertsitateak eta klima aldaketak nahiz giza jarduerak ekosisteman duten eraginari buruz. Azaldu duenez, laister argitaratuko du La Recivilización liburua.
