Gaurtik otsailaren 6ra eman ahalko dute izena Urola Kosta eskualdeko herritarrek EPA-HHI Helduen Hezkuntza Iraunkorreko zentroan. Alfabetatzeko, DBHko titulua eskuratzeko eta gaztelania ikasteko eskolak emango dituzte, beste behin, ikasturte berrian.
Zarauzko eskolan izena eman nahi dutenek Pagoeta kaleko 2 eta 4. zenbakietan dagoen helduen eskolara joanda eman beharko dute izena. Dena den, izena eman ahal izateko ordutegia desberdina izango da urtarrilean eta otsailean. Urtarrilean, 10:00etatik 13:00etara eman daiteke izena, eta otsailean, 15:00etatik 19:00etara.