Dagoeneko hiru urte igaro dira Paolo Sorrentino zuzendari italiarraren azken filma, È stata la mano di Dio, Veneziako Mostran estreinatu zutenetik. Itxaronaldi baten ondoren, bere lan berriena ekarri du aurten Cannes-eko Zinema Jaialdira, Parthenope, eta bertan film onenaren saria jasotzeko izendapena lortu zuen.
Gaur arratsaldean, 19:30ean hasita, Saio Originala egitasmoaren barruan emango dute; ohi bezala, jatorrizko hizkuntzan, gaztelaniazko azpidatziekin.
Kontakizunak Parthenoperen bizitzaren bidaia luzea jarraitzen du, 1950ean jaio zenetik gaur egun arte. Capriren uda perfektua, gazteen haserrea, segadan amaitzen dena. Eta gero gainerako guztiak: napolitarrak, gizon-emakumeak, behatuak eta maitatuak, desilusionatuak eta biziak, beren malenkonia-olatuak, beren ironia tragikoak eta begirada abailduak. Denboraren joanak emozioen errepertorio zabala eskaintzen du.