Duela hamarkada batzuetako Bilbo irudikatu du Niko Vazquezek Egin Bilbo grisa berriro bilduman. Adimen artifizialarekin egindako irudiak dira Vazquezenak, eta dagoeneko desagertuta dagoen hiri bat birsortu du horien bitartez. Gaur, hilak 14, zabalduko dute erakusketa Photomuseumen, eta ikusgai izango da otsailaren 16ra artean. Asteartetik igandera irekiko dute aretoa, 10:00etatik 14:00etara eta 17:00etatik 20:00etara.
Guggenheimen, egile ezagunen eraikinen eta turisten Bilbo alde batera utzi, eta garai bateko lantegi handien hiria berreskuratu du irudietan. Arte garaikidean aditu Arantza Lauzirikak hala deskribatu du: "Arkitekto ezagunen eraikinak, merkantzia-biltegiak zeuden lekuan; kongresu-jauregiak, ontziolak zeuden puntuan; parkeak, lantegiak zeuden auzoetan… guretzako, inposatutako hiri bat da, arrotza, non ez dugun gure burua ezagutzen".
Josteko makina zaharretan lanean diharduten adineko emakumeak, kale huts grisak eta kea darien tximini altuak nahiz kanikekin jolasean dabiltzan haurrak ikus daitezke irudietan.